Umiarsualiveqarfiit
Maannakkut Paamiuni inuussutissarsiorneq aalisarnermik inuussutissarsiuteqarnermut annertunerusumik attuumavoq, tamannalu suli ineriartortinneqassaaq. Pilersaarusiornermut sanilliullugu tamatuma kingunerissavaa ingerlaavartumik umiarsualivimmi periarfissaasut siullertut annertusarneqarnissaat aamma pitsaangorsarnissaat.
Paamiuni nutaanik umiarsualivinnik pilersitsinissaq periarfissaqarluarpoq, assersuutigalugu kangerliumanerup nunniorneratigut. Tamatuma saniatigut sinerissap avataatigut suliniutitigut ass. inuussutissarsiornissamut periarfissat pilersinneqarsinnaassapput.
Inuussutissarsiornermi ingerlatsinerit taakku maannakkut tigussaasumik periarfissaanngikkaluartut kommunip pilersaarusiorneranut atatillugu sillimaffigissallugit pingaaruteqarput tulleriaarinermi aamma (siunissami periarfissatut) nunaminertanik atugassaqartitsinermi.
Inuussutissarsiornermut nunap immikkoortui allat
Illoqarfimmi inuussutissarsiornermut immikkoortut allat mikinerit illoqarfiup kujasissuaniipput. Sumiiffik annertunngitsoq kujammut kitaaniippoq anartarfiit imaannik eqqaavimmut aqquserngata sinaaniilluni, sumiiffillu mikisoq alla illoqarfiup.
Takornariaqarnermik ineriartortitsineq
Ukiuni kingullerni takornariat illoqarfimmukaanerusalerput, pingaartumik umiarsuit takornariartaatit aqqutigalugit. Tassaniipporlu illoqarfimmi inuussutissarsiutinik inerisaanissamut ilippanaat.
Illoqarfiup avannaaniippoq Sioraq (Frederikshåb Isblink), taanna takornarianut kajuminnartunngorlugu ineriartortinneqarsinnaasutut periarfissaqarpoq. Sioraq tassaavoq Kalaallit Nunaata Kitaani sermeq iigartartoq amerlanngitsut ilaat, tamaani Sermersuaq sineriak tikivillugu piuvoq. Sermip sinaaniippoq sineriak takisooq sioraannaasoq aamma tassannga Sermersuarmut isikkiveqarpoq. Sioraq maannangaaq Paamiuni innuttaasunit aallaarsimaffigissallugu nuannarineqareerpoq.