Paamiuni inissianik inerisaanermi annermik sammineqassapput inissiaqarfiit pioreersut patajaallisarneri, pingaarnertut isaterinerit innuttaasut amerlassusaannut naleqquttumik inissiaqalernissaa anguniarlugu, aammali inissianik nutaanik allaanerusunillu pisariaqartitsisoqarpoq, matumani utoqqarnut inissiat.
Illoqarfiup qeqqani Namminersorlutik Oqartussat inissiarsuaataat arlallit isaterneqareerput allallu isaterneqarnissaat aamma pilersaarutaalluni. Tamaani patajaallisaasoqarneratigut illoqarfiup qeqqanik ataatsimoornermik nukittorsaataassaaq illoqarfimmillu nungusaataanngitsumik ineriartortitsinissamut tunngavissiissalluni.
Periusissiatut pilersaarusiami anguniarneqarpoq 2023-utinnagu inissianik nutaanik 80- 100-nik pilersitsisoqarsimanissaa Paamiunut Tasiilamullu avillugit, taakkulu 25 %-ii nungusaataanngitsumik sanaartungaassallutik.
Inissiaqarfissatut atungassiaareersuni sanaartorfissaqareermat Kommunalbestyrelsip naliliinera tassaavoq Paamiuni inissialiornissamut nunaminertanik allanik pisariaqartitsisoqanngitsoq.