Arsuk januaarimi 2024-mi 69-inik inoqarpoq. Innuttaasut ukiut ingerlanerini amerlassutsimikkut ikiliartuinnarsimapput. 2009-mi januaarimi innuttaasut amerlassutsimikkut 171-iupput. Ukiuni kingullerni 20-ni qaffasinnerpaajulluni. Ukioqatigiikkuutaani tamani innuttaasut ikiliartorput 65+-inik ukiullit pinnatik, taakkua aalaakkaasimapput.
Immikkoortut ataatsimoorussat
Nunaqarfiup qeqqa siunertanut ataatsimoorussassanut immikkoortitaavoq, ilaatigut tamaaniillutik illu sullivik, kommunip allaffia, katersortarfik, utoqqaat illuat, nunaqarfiup atuarfia aammalu meeqqanik paaqqinnittarfik kiisalu klubbi, sunngiffimmilu sammisassaqartitsivik.
Inissiaqarfiit
Inissiat 120-t missaannik amerlassuseqarput, taakkunannga arlallit inoqanngillat. Arsummi inissiat amerlanerit tassaapput ilaqutariinnut ataatsinut illut.
Innuttaasut amerlassutsimikkut ineriartornerat tunngavigalugu aamma inissiaqarfissatut atugassanngortinneqareersut iluini sanaartornissamut suli periarfissaqarmat Kommunalbestyrelse naliliivoq Arsummi nunaminertanik inissianut siunertalinnut atugassiisoqarnissaa pisariaqanngitsoq.
Allanngutsaaliuisitsinermi soqutigisat
Eriagisarialinnik soqutigisallit eqqarsaatigalugit illut eriagisariallit pillugit aalajangersagaliortoqarpoq taakku ingitserneqaqqusaannginnerat, aamma illut titartarneqaqqaarnerat sannaasalu eqqarsaatigineqartarnissaat pillugit.
Arsummi illunik eriagisarialinnik nalunaarsuisoqarsimanngilaq.
Nunaminertat sukisaarsaartarfiit
Arsuk Arsuup kangerluani qaqqap Kuunnaap ataani inissisimavoq, taanna Arsuup kangerluanut ilisarnaataavoq.
Inoqarfik amitsumi narsaamaniunerusumilu sineriak atuarlugu kujammut sammisumiippoq. Inoqarfiup kangiani imeqarfeqarpoq.
Inoqarfiup avannamut kangianiippoq nunaminertaq timersorfiusoq timersortarfiliorfigineqarsinnaasoq. Iliveqarfik avannamut kangianiittoq sanaartorfiusussaanngitsutut immikkoortuuvoq allilerneqarnissaa periarfissaalluni.
Inuussutissarsiuteqarfiit
Inuussutissarsiuteqarfiusut sineriak sinerlugu inissisimapput tamaaniillutillu fabrikki tunitsivik, umiatsianut sannaviit arlallit kiisalu kommunip sanaartornermut suliffeqarfia.
Inoqarfimmi ineriartortitsinissamut periarfissaq tassaavoq nunaminertaq amitsoq kangiatungaaniittoq. Nunaminertanik atugassiissutigineqatut inoqarfiup umiarsualiveqarneranik, inuussutissarsiuteqarneranik atuuffiillu ataatsimoorussat ineriartortinneqarnissaasa qulakkeerneqarnissaannik siunertaqarput. Taamaalilluni ataatsimut isigalugit inoqarfimmi ineriartortitsinissamut periarfissat naammattutut nalilerneqarpoq, aamma immikkoortumi takornariaqarnermik ineriartortitsinissamik anguniakkanut tunngatillugu.
Attaveqaasersuutit
Arsummut tikiffiusinnaasut annerusumik umiatsiat helikopterilu aqqutigalugit pisarpoq.
Heliporteqarfik inoqarfiup kangianiippoq 1,5 km.-it missaannik ungasitsigisumi.