Qeqertarsuatsiaat januaarimi 2024-mi 170-inik inoqarpoq Innutaasut amerlassutsimikkut ukiuni kingullerni ikiliartuinnarput. 2005-imi januaarimi innuttaasut amerlassutsimikkut 275-iupput. Ukiuni kingullerni 20-ni amerlanerpaaffiulluni. Ukioqatigiikkuutaani tamani innuttaasut ikiliartorput ukioqanngitsuniilli tallimanik ukiullit aamma 65+-inik ukiullit pinnatik, taakkua aalaakkaasimapput.
Manna tikillugu Qeqertarsuatsiaat pillugit pilersaarusiortarneq killeqarsimavoq, naatsorsuutigineqarporli nunaqarfimmi takornariaqarnerup iluani ineriartortitsinermik soqutiginninneq annertusiartuinnassasoq.
Nunaqarfik ingerlalluarpoq, kiffartuussinerullu pitsaassusaa ajunngilluinnarluni. Ineriartortitsinissamut periarfissat ineriartorteqqinneqarnissaat aamma periarfissaalluarpoq.
Immikkoortut ataatsimoorussat
Atuarfik, atuagaateqarfik, ulluunerani paaqqinnittarfik, oqaluffik, peqqissaasoqarfik, allakkerivik, qatserisarfik, innaallagissiorfik, kommunip allaffia, utoqqarnut najugaqarfik, il.il. Qeqertarsuatsiaani nassaassaapput. Qeqertarsuatsiaani atuartut 7. klasse ilanngullugu atuartinneqarnissamik neqeroorfigineqarput. Atuarnerup kingorna atuarfiup atuartuinut sunngiffimmi neqerooruteqarpoq. Atuarfimmi atuakkanik atorniartarfeqarpoq.
Inissiaqarfiit
Inissiat 103-t missaanniipput. Qeqertarsuatsiaani inissiat tassaanerupput ilaqutariinnut ataatsinut illut.
Inissiat allat noqqaassutigineqarnerulernissaat naatsorsuutigineqarpoq, soorlu Qeqertarsuatsiaani inissiat utoqqarnut naleqqussakkat.
Inoqarfimmi kujataatungaa inissiaqarfissatut atugassanngortitaavoq, inissiaqarfioreersullu sanaartorfigineqarneri tamakkeriarpata aatsaat sanaartorfigineqalissaaq. Inissiaqarfik taanna kommunimut pilersaarummi allanngortinneqanngilaq.
Bevaringsinteresser
Allanngutsaaliugassatut soqutigisat eqqarsaatigalugit illut allanngutsaaliugassat ingitseqqusaannginneri, aamma illup illuliortaatsikkut iluseqqaavata sannaatalu ataqqineqarnissaat pillugit aalajangersaasoqarpoq.
Illut tullinnguuttut eriagisassaapput:
B-91, B-154 (oqaluffik), B-155, B-157, B-1126.
B-93 allanngutsaaliugaavoq.
Nunaminertat sukisaarsaartarfiit
Qeqertarsuatsiaat qeqertami Qeqertarsuatsiami avannaatungaani inissisimavoq. Inoqarfimmi kujataa tungaa taseqarpoq. Arsaattarfik utoqqaat illuata kujatinnguaniippoq, inoqarfimmi aamma arlalinnik pinnguartarfeqarpoq. Talittarfiit marluk aamma anartaajaalerivik eqqaassanngikkaanni sineriaa sanaartorfigineqarnikuunngilaq.
Inuussutissarsiuteqarfiit
Qeqertarsuatsiaani inuussutissarsiornermi toqqammavigineqarsimasut qangaaniilli tassaapput saarullinniarneq piniarnerlu. Inoqarfiup imartaani siornatigut aalisarluartoqarsimavoq, taavalu tunitsiviliornissamut, talittarfiliornissamut nunaqarfimmilu allanut aningaasaliissuteqarnissamut tunngavissaqarluarsimalluni.
Kommunalbestyrelse isumaqarpoq, Qeqertarsuatsiaani suliffissaqartitsiniarnermi pitsanngorsaanissamut aalisarneq periarfissaqartitsinerussasoq, tassungalu aamma atatillugu inoqarfimmi nutaamik aalisakkeriviliornissamut periarfissaliisoqarpoq. Nunap qaavani inuussutissarsiornermik inerisaanissamut periarfissaqarpoq, soorlu sanalunneq pinnersaasiorneq minnerunngitsumillu rubinimik piiaaneq periarfissaapput.
Attaveqaasersuutit
Qeqertarsuatsiaat angallammik tikinneqarsinnaanerusarpoq.
Assartuinermi periarfissat pitsaanerusut qulakkeerniarlugu heliportimut nunaminertamik atugassamik inniminniisoqarpoq, taamaattorli sanaartornissamut maannakkut pilersaaruteqartoqarani.
Qeqertarsuatsiaani uuliatortumik tankitalimmillu innaallagissiorfeqarpoq. Kiassaaneq inissianut ataasiakkaanut atatillugu uuliamik ikummatilimmik kiassaammik immikkut pilersugaanerupput. Taamaattorli aalisakkerivik unnuisarfiillu marluk kommunimit pigineqartut innaallagissiorfimmi kissamik sinneqartoorummik kiassarneqarput, tassanngaaniilli kiassaaneq naammagunnaartillugu uuliamik ikummatilimmik kiassaammik kiassaaneqartarlutik.
nukissiuummik ataavartumik pilersuisinnaanissamik periarfissamik pilersaarusiorfiusumi tulliuttumi misissorneqassaaq. Tamanna pisariitsuunissaa minnerunngitsumillu tassunga tunngasumik suliamik aallussinissaq eqqarsaatigalugit naleqquttumik inissinneqassaaq.
Qeqertarsuatsiaani inoqarfiup kujataatungaani imeqarfimmiit ukioq naallugu imermik pilersuineq pisarpoq. Imeqarfik arfineq marlunnik kujasinnerusumiittumik immerneqartarpoq, naqitsivimmiillu imeq ruujorikkut qerinaveersakkakkut imeqarfimmut (imertartarfiusimasumut), imertartarfinnut tallimanut ringimik attavilerlugu nunaqarfimmik imermik pilersuisumut maqinneqartarpoq Imermik siammarterinermut aqqutit imermik pilersuinerup annertusitinneqarnerisa kingorna atorunnaassapput. Suliffeqarfiit, tunisassiorfik atuisullu ataatsiakkaat imermut toqqaannartumik attaveqarput. Imeqarfiup killeqarfilerneqarnera aalajangersarneqarnikuuvoq.
Anartarfiit katersorneqartarput nunaqarfiullu avannaata kangianut imaanut iginneqartarlutik. Nunaqarfimmi illunit inigineqartunit 100-nit illut 90 imeqarput kuutsitakkamik 14-iinnaat tankeqartut.