Kommuneqarfik Sermersooq 609.247 km2-inik angissuseqarnermigut nunarsuarmi kommunit annersaraat inuillu 23.86-it (2024) najugaqarfigaat.
Piffissami 2018-2024-mi nuna tamakkerlugu isigalugu innuttaasut 40,5%-imiit (2018) 43%-imut (2024) qaffassimavoq. Pingaartumik Nuummi innuttaasut amerliartupiloorput, piffissami tassani 11,6 %-imik amerlisimallutik. Piffissami tassani sumiiffinni Tasiilami Paamiunilu inuit allamut nuuttarsimapput. Kommune tamaat isigalugu innuttaasut amerleriaataat 8 %-ingajaapput. Nuna tamakkerlugu piffissami tassani agguaqatigiissitsinermi innuttaasut 3 %-imik amerleriarsimapput.
Kommuni atortulersuutinik inuusuttunit, ilinniakkanik naammassinnerlaanik ilaqutariinnillu kajumilersitsisartunik neqerooruteqassalluni anguniagaqarpoq. Tassani pineqarput suliffissat, paaqqinnittarfissat, neqeroorutit kulturimut tunngasut inissiallu ullutsinnut tulluuttut.
