Ittoqqortoormiit illoqarfiat atuarlugu kooqarpoq illoqarfik kangianut kimmullu avillugu. Illoqarfiup qeqqaniippoq sanaartorfiusussaanngitsoq, nunaqaq sivingalluni. Taamaalilluni illoqarfik avinneqarluni portunernut atsinnernullu inissisimasunik. Tamaani majuartarfiliortoqarnissaa pilersaarutaavoq, taamaalilluni atsinnerusunit qatsinnernut ajornannginnerusumik ingerlasoqarsinnaalissalluni.
Sukisaarsaartarfiit pingaartumik avannamut kangianiipput, sisorartarfik arsaattarfillu ivigaasartalik tassaniillutik. Taakku saniatigut politeeqarfiup eqqaani pinnguartarfeqarpoq, atuarfik eqqaaniillunilu meeqqerivik.
Ejnar Mikkelsenip eqqaassutissaata eqqaaniippoq issiaartarfik, tamaani sukisaarsaartarfittut ersiutaalluni, kangerlummut illoqarfimmullu isikkiveqarluni.
Qinngaajiva pingaartumik aasakkut aallaarsimaartarfiuvoq, sissaq pinnguarnermut uninngaarfittullu atorneqartarluni.
Ukiukkut qimmit sikumi pitussimaneqartarput. Taanna eqqaassanngikkaanni illoqarfiup sinaani qimmilivittut atungassiaapput.
Tamakkiisumik pilersaarummi suliniutit arlallit illoqarfimmi sukisaarsaartarfinnik nunaminertanik pitsanngorsaanissamut imaqartumik, ilaatigut Ejnar Mikkelsenimut eqqaassutissap Qinngaaviata eqqaani.
Linki: Tamakkiisumik pilersaarummut