Ittoqqortoormiit avinngarusimasumik inissisimanerata innuttaasullu amerlassusaannik attassiniarnermi arlalinnik unammillernartunik kinguneqartittarpaa, inoqarfiilli aamma amerlasuunik ilippanaateqarput pilersaarusioqqinnissamut ilaasunik.
Illoqarfimmut periusissiap inuiaqatigiinnik attassinissamut imminullu napatittumik inerisaanissamut periarfissat aallaavigai. Pitsaaqutaareersut periarfissallu nutaat nukittorsarnissaat ukkatarineqarpoq Ittoqqortoormiit inuulluarfigiinnarnissaanut attanneqarnissaa siunertaalluni.
- Siullerpaamik ’sukkasuumik iliuuseqarfigineqarsinnaasut’ sanaartugassatut pilersaarutit arlallit nalunaarsorneqareersut pillugit – illut allanngutsaalisaasut marluk illoqarfiup qeqqaniittut nutartertariaqarput, sanaartugassallu allat, soorlu qerititsivik, inuusuttut klubbiat aammalu puttasoq aallartinneqartariaqarput.
- Takornariaqarnikkut Nunami Eqqissisimatitami, Kangersuttuaq, Jørn Riel Land aammalu sakkortuumik misigisaqarumasunut takornariaqarneq qulaajaaffigineqassaaq sapinngisamillu atorluarneqassalluni.
- Piniarnermik aalisarnermillu inuussutissarsiuteqarnikkut periarfissat misissuiffigineqassapput pitsanngorsaaffigineqarlutillu.
Ittoqqortoormiit pillugit tamakkiisumik pilersaarut
Ittoqqortoormiit pillugit tamakkiisumik pilersaarut Kommunalbestyrelsip 2021-mi akuersissutigaat, tassanilu Ittoqqortoormiit illoqarfittut ineriartorneranut periusissiamut ikorfartorneqassalluni.
Tamakkiisumik pilersaarummi aalajangersarneqarput illoqarfiup ataatsimut atorneqarnissaanut ilippanaatit siunissamilu qanoq ineriartortinnissaa aamma /imaluunniit sakkortusarnissaa pitsaanerpaamik qanoq suliarineqassanersoq aalajangersarneqarluni. Pilersaarummi illoqarfiup pitsaaqutai pioreersut pitsanngorsaaviginiarneqarput, taamaalilluni orniginarnera, illoqarfiup orniginartuuinnarnissaa attatiinnarneqarniassammat, ataatsimoornissamullu, peqqinneq illoqarfiullu innuttaasuisa aalasarnissaannut periarfissat ukkatarineqarlutik.
Tamakkiisumik Pilersaarutip piviusunngortinneqarnissaanik suliami aallartereersoq piffissami aggersumi ingerlariaqqitsinneqassaaq.
Linki: Tamakkiisumik pilersaarummut