Ittoqqortoormiit maniilasorujussuarmi inissisimavoq, attaveqaasersuineq ajornakusoorluni
illoqarfimmilu nalinginnarmik angalanissaq ajornakusoortarluni.
Illoqarfimmi aqquserngit tunngaviatigut ataasiinnarmik ingerlavissaligaapput, pingaarnertullu angallaffiit kaajallaakkiartorfissalersugaapput, aqquserngit angallaffiunerusut illoqarfimmi avallerni inissisimasut tungaanut aqqusineqartiterput, ilaatigut heliportimut. Angallatit motorillit tassaanerupput ATV aamma qamuteralaat. Illoqarfimmi arlalinnik majuartarfeqarpoq, illoqarfimmi qaninnersiuinissamut atorneqarsinnaasunik.
Illoqarfimmiit illoqarfimmullu heliport aqqutaavoq, tassanngaaniillu Nerlerit Inaanni suluusalinnut mittarfimmut ingerlasoqarsinnaalluni. Tamatuma saniatigut illoqarfik umiarsuarluni tikinneqarsinnaavoq. Illoqarfik ukiumut marloriarluni pajuttaammik tikinneqartarpoq. Tikinneqartarneralu immap sikuunera sivikinnerujartortillugu akulikinnerulersinnaanera naatsorsuutigineqarpoq.
Kommunimut pilersaarummi nunaminertaq Ittoqqortoormiinut qaninnerusumik mittarfeqalernissaanut atungassiisoqarpoq, taamaasilluni illoqarfik nunamut eqqissisimatitaasumut isaaffittut atuuffeqarsinnaasunngorlugu. Nerlerit Inaanni mittarfik silasiorfillu Mestervig matuneqarsinnaallutik/ nuunneqarlutik.
Illoqarfik innaallagissamik imermillu pilersorneqarpoq aamma illoqarfiup qiterpasissuani apummik aatsitsisarfeqarpoq.
Imikoorut nunaannarmut kuutsinneqartarpoq. Ikuallaavik illoqarfiup kangiani inissisimavoq.
Piffissami aggersumi pilersaarummi Ittoqqortoormiini nunap iluanit kiassarnermik nukissiuteqalersinnaaneranut misissuisoqarluni aallartitsisoqassaaq.
Ittoqqortoormiinut tamakkiisumik pilersaarummi suliniutit arlallit pioreerput, tassanilu pisuinnarnut illoqarfimmi attaveqaatit pitsanngorsaaviginiarneqarlutik.
Linki: Tamakkiisumik pilersaarummut