Kommunimut pilersaarummi ilutsimi pingaarnermi Kommuneqarfik Sermersuumi pilersaarusiornermi naatsorsuutigisat allaaserineqarput.
Tamakkununnga kommunimi piorsaaneq aamma tunaartaqarluni iliuusissanik pilersaarusiornerit siunissamullu ungasinnerusumut eqqarsaatersuutit kommunimut pilersaarummut tunngaviusut ilaatinneqarput.
- Takorluugaq kommunimi pilersaarusiornermi pingaarnertut sammiviliisoq.
- Anguniakkat anguniarlugit ukkatarineqartut pingaartinneqartut kiisalu kommunimut pilersaarusiornermut tunngaviusut.
- Killiffimmut nassuiaat kiisalu kommunimi geografiit assigiinngitsut pillugit nassuiaat kiisalu geografiinut ataasiakkaanut iliuusissat.
Takorluugaq
Sermersooq – najugaqarfigissallugu
Pitsaasoq
”Innuttaasut amerliartornerat apeqqutaatinnagu Sermersuumi inoqarfiit piffissamut malinnaassapput innuttaasunullu ataasiakkaanut inuunerminni inissisimanerat apeqqutaatinnagu pitsaasumik inuuneqarsinnaanerannut sinaakkusiissallutik.” - Pilersaarusiornermi Periusissaq 2023
Kommunimut 2026-mut pilersaarusiornermik suliami kommunip 2023-mut Pilersaarutinut periusissiaa aallaavigineqarpoq, tassaniillunilu kommunalbestyrelsip takorluugai kiisalu 2036 tikillugu kommunip ineriartornermut periusissiaanik pingaarnermik aallaaveqarluni.
Anguniakkat periusissiarlu pingaartitanik pingasunik pingaarnernik tunngaveqarpoq, tassani isumaginninnikkut, aningaasaqarnikkut avatangiisinillu isiginninniarnermi tunngasut ilanngunneqarlutik ilaatinneqarput. Naleqartitat pingasuusut taakku tassaapput:
- Toqqissisimanartuutitsilissaagut
- Siuariartornermik pilersitsissaagut
- Avatangiisinut ulorianaataanngitsumik ingerlatsinermut nikikkiartorneq
Linki: Pilersaarusiornermi Periusissaq 2023
Suliassaqarfiit qitiutinneqartut
Pilersaarusiornermut periusissiaq 2023-moortumi suliassaqarfiit qitiutinneqartut arfinillit uku akuersissutigineqarput:
- Tamanut inissiat pitsaasut
- Meeraaneq inuusuttuunerlu pitsaasoq
- Sullivimmi inuunerissuuneq
- Sunngiffimmi inuuneq pitsaasoq
- Attaveqaatit pitsaasut
- Ataatsimoornerit pitsaasut
Suliassaqarfiit qitiutinneqartut sammisat aamma suliniutit pillugit oqaasertaliissapput, taamaalillutik qitiusumik naleqartitatsinnik qulakkeerinnillutik uagullu Sermersuup najugaqarfigiuminartuuneranut takorluukkatsinnut piviusunngortitseqataassallutik.
Sumiiffiit
Sumiiffiit kommunimut pilersaarummut tunngatillugu sumiiffiit ilutsitut tassa illoqarfittut nunaqarfittullu sumiiffinni ersarissumik takutitsisut aamma / imaluunniit ataatsimoorfinnik atorneqarsinnaasutut isigineqassapput.
Sumiiffiit pingasut tassaapput:
- Nuuk-geografii
- Paamiut-geografii
- Tasiilaq geografii aamma Ittoqqortoormiit
