Immikkoortut teknikkimut aamma attaveqaasersuutinut il. il. atugassiat teknikkikkut angisuunik atortuusiveqarnertik ilisarnaatigivaat, assersuutigalugu erngup nukinganik nukissiuutit kiisalu allatigut pilersuiviit imaluunniit suliffeqarfiit nioqqutissiortut il. il. pigineqarneri ilisarnaatigivaat. Allatut oqaatigalugu pisuussutinik uumassusilinnik atuineq aallaaviginagu inuussutissarsiuteqartut. Immikkoortumittaaq makkuninnga peqarsinnaavoq; asimi attaveqaasersuutini aqqutit anginerusut.
Immikkoortuni N-ini ima aggorsimasoqarpoq:
N1: Teknikkimut atortulersuutit
Immikkoortut N-it teknikkikkut atortuusivinnut angisuunut soorlu erngup nukinganik nukissiuutinut, imeqarfinnut, sioqqanik, saanngunik aamma issunik assigisaannillu piiaavinnut atugassiaapput. Ukioq kaajallallugu inissianik, stationinik, tammaarsimaarfinnik assigisaannillu immikkoortup ilaani ataasiakkaani suliffeqarfinnut atortuusivinnullu attuumassuteqartunik pilersitsisoqarsinnaavoq. Suliffeqarfiit pineqartut sumiiffinni attaveqaasersuutinik teknikkikkullu pilersuivinnik nalinginnaasumik isumalluuteqassapput. Erngup nukinganik nukissiorfik pissusissamisoortumik nammineq atugassaminik innaallagissamik pilersuiffeqassaaq. Immikkoortuni pineqartuni illuaqqanik sunngiffimmi atortakkanik aasarsiortarfinnillu pilersitsisoqarsinnaanngilaq, immikkoortut ilaat nukissiorfiup suliffeqarfiinut atortulersuutaanullu atugassiaammata. Erngup nukinga atorlugu nukissiorfiup tasertaata qulaani nunap timaani illuaqqanik ataasiakkaanik piniariartarfinnik oqquisarfinnillu pilersitsisoqarsinnaavoq, illuaqqat teknikkikkut atortulersuutit qanittuanni inissinneqanngippata.
N2: Attaveqaasersuutit
Immikkoortut N2-t asimi qamutinut motoorilinnut aqquteqarfeqartillugit assartuinermut ingerlaarfigisassatullu atugassiaapput. Angallatit motoorillit tassaapput qamutit assakaasunilluunniit ingerlatillit, sikukkut, aputikkut, qaqqatigut pinngortitamilu nunami allatut ilusilimmi angallatitut ilusiligaasut atorneqartulluunniit.
Assartuinermut ingerlaarfigisassatullu atugassiat atorneqarneri inuussutissarsiuteqartunit kommunip ileqqoreqqusaani aalajangersagaasunit aalajangersimasunit killilimmik ingerlaarfigisassiaapput.
Angallanneq
Immikkoortut ilaanni teknikkikkut atortulersuutinut, attaveqaatinut il.il. pisariaqartinneqarsinnaammata tamakku puttasuliorfigineqarsinnaapput allatulluunniit umiarsualiviliortoqarsinnaallunilu qulimiguulinnut mittarfiliortoqarsinnaavoq.
Immikkoortut ilaannut tamakkununnga attuumassuteqartunik atortulersuutinik ikkussuisoqarsinnaallunilu illuliortoqarsinnaavoq.
Pilersuineq
Teknikkikkut aamma pilersuutinik allanik soorlu imermut, innaallagissamut telemullu attaveqaasersortoqarsinnaallunilu immikkoortup ilaata pilersorneqarnissaanut kuuffissualersortoqarsinnaavoq.
Imermik milluaassutinut imikumillu kuutsitsinissamut atortulersuusiorneq Naalakkersuisunit aatsaat akuersissummik pisoqareerpat pissapput.
Nunaminertat sanaartorfigineqanngitsut
Nunaminertat sanaartorfiunngitsut siunertanut allanut atugassanngortitaanngitsut nunap ilusaa allanngortinneqassanngilaq saligaatsuutinneqassallunilu.