Immikkoortut immikkut sukisaarsaartarfittut isikkullit tassaapput sunngiffimmi atorneqartussanut ataneqartillugit sanaartorfissanut tassungalu atasunik sunngiffimmi siunertalinnut atugassiat. Assersuutigalugu sisorariartarfiit, takornarianut illuaqqat eqimasut, lejrskolertarfiit, akunnittarfiit, neriniartarfiit, unnuisarfiit atortorissaarutaat, pisummik aqqutit allallu timersornermut sunngiffimmulluunniit tunngassuteqartut.
Immikkoortup ilaata pingaarnertut immikkut sukisaarsarfittut qanoq ittuuneranut allannguutaanngippat inuussutissarsiutit ilaannut pilersitsiffiusinnaanera annikitsumik periarfissaqarpoq.
Annikitsunik nunaminertanut atungassiisoqarsinnaavoq sunngiffimmi illuaqqanut aamma aasaanerani illuaqqanut inuinnarnit atorneqartussanik kiisalu piniariartarfiit kiisalu oqquisarfiit.
Immikkoortuni sukisaarsaartarfiunerusuni sanaartukkat qaninnerusinnaapput aamma immikkoortunit K-nit 'illoqarfippalaarnerusumik' isikkoqarsinnaallutik.
Immikkoortut L-it ukununnga immikkoortinneqarsinnaapput:
L2: Nunaqarfiit matunikut
Nunaqarfiit matunikut immikkoortutut L2-tut pingaarnertut taaneqarput. Tassunga immikkoortunut L-inut ilanngullugit sananeqarsinnaapput sunngiffimmi illuaqqat aasaaneranilu illuaqqat annerusut immikkoortoq tamakkerlugu sanaartorfiusimanngippat.
Sanaartukkat
Immikkoortuni L-ini sanaartukkat makku pilersinneqarsinnaapput:
- Sunngiffimmi illuaqqat aasarsiortarfiillu
- Takornarianut illuaqqat
- Tammaarsimaartarfik
- Piniartunut annanniarfissatullu illuaqqat
- Sanaartukkat immikkoortumi sukisaarsaartarfittut atorneqarneranut atasut
Sunngiffimmi illuaqqat aasarsiortarfiillu inuit nammineq atugassaattut paasineqassapput.
Takornarianut illuaqqat tassaatinneqarput illuaqqat inuussutissarsiutitut atorneqarsinnaasut imaluunniit attartortinneqarsinnaasut. Attartortitsisarneq takornarianuusinnaallunilu innuttaasunuusinnaavoq. Takornarianut illuaqqanut qinnuteqartoq CVR-nr.-qaqqaassaaq. Takornarianut illuaqqat illuaqqallu attartortakka illup iigaani ersarissumik B-normoqassapput.
Lejrskolertarfiit tassaapput assersuutigalugu meeqqat atuarfiannit, fritidsklubbinit imaluunniit pisortat suliffeqarfiutaannit atorneqartussat. Lejrskolit kommunimit pigineqarput. Lejrskolit imaluunniit illuaqqat paaqqinninnermut atorneqartussat suulluunniit politikkikkut suliarineqassapput. Lejrskolit B-nr-nik silataani erseqqissumik allagartaqassapput.
Piniartunut sapernusunullu illuaqqat tassaapput tamanit atorneqarsinnaasut. Piniartut sapernusullu illuaraat parnaarneqassanngillat inuillu ataasiakkaat pigissanngilaat. Illuaqqat tamakku amerlanertigut kommunimit kattuffinnilluunniit pilersinneqarsimasarput. Piniartunut sapernusunullu illuaqqat A-nr-nik silataanni allagartaqassapput.
Illuaraliornissamut lejskoleliornissamulluunniit nunaminertamik atugassamik tunniussinerup kingorna taakkununnga atasut makku sananeqarsinnaapput: aneerasaartarfik erfalasulerfik, manisivik, pujoorivik, sauna/ silaannarmi uffarfik, naatsiivimmik atuineq, anorisaatit seqinermillu nukissiutit minnerit. Atortuusivik, ilaliussaq immikkoortoq imaluunniit qui annerpaamik 12,5 m2 illuaqqamut atasumik suliarineqarsinnaapput, immikkut taakku isertarfeqarpata. Atortulersuutit tamakkua illuaqqamiit 15 meterinik ungasissusilimmi inissinneqassapput. Tamanna naatsorsorneqassaaq illuaqqap nuuata avasinnerpaavaniit. Lejrskolinut atassuteqartunik pilersinneqarsinnaapput assartarfik, pinnguartarfik lejrskoleqarnermullu atasunik sukisaarsaarutit allat.
Sanaartukkat minnerit taakku atorneqarnerminni nipimik, putsumik, tipimik, sajuppilattarnernik, allatulluunniit eqqaamiunut pisariaqanngitsumik akornutaanngippata taamaallaat sanaartorneqarsinnaapput.
Sanaartukkanut assigiinngitsunut makku atuupput, 1,5 etage tassaatinneqarluni ataatsimik etagealik qalia atorneqarluni:
|
Illut qanoq ittuuneri |
Isertarfiit |
Angissuseq |
Portussuseq |
|
Illu aasarsiortarfik / Sunngiffimmi illuaraq |
Inuttut nammineq |
Annerpaamik 50m2 |
Quleriit 1,5 |
|
Takornarianut illuaraq |
Inuussutissarsiortunut attartortinneqarsinnaavoq |
Annerpaamik 50m2 |
Quleriit 1,5 |
|
Atuartut aallaarsimaartarfiat / Meeqqeriviup sulisoqarfiup illuaraataa |
Attartortinneqarsinnaavoq |
Annerpaamik marluk 60 m2-tut angitigisut |
Init quleriit 1½ |
|
Illuaraq annaffissaq-/piniarianut illuaraq |
Tamanit atorneqarsinnaasoq |
Annerpaamik 12,5m2 |
Ini quleriik ataaseq |
|
Sakkuusivik / ilaliussaq immikkoortoq / qui |
Inuttut nammineq |
Annerpaamik 12,5m2 |
Ini quleriik ataaseq |
Illuinnaatigut illup qalia sivingasuutillugu sanaartornermi, sanaartugaq marlunnik qulereeqaqqusaanngilaq, taamaattumik illup qalia atorneqartoq ilanngullugu portussusaa tamakkiisooqqusaanngilaq.
Sanaartukkat atortuusiviillu tamarmik avatangiisinut pisariaqanngitsumik avaanngunarsaasutut isikkoqartikkumanagit aserfallatsaaliorneqartassapput.
Illuaqqanut tamanut tunngatillugu, nunaminertamik atuinissamut agguaassisarnermut malittarisassat sanaartornermilu inatsit atuuttoq ilaapput.
Ungasissutsimut piumasaqaatit
Illuaqqat tammaarsimaffiillu inuussutissarsiortut illuaqqanit pioreersunit, toqqavinnit nunaminertaniillu illuaraliorfissanit 30 meterisut ungasitsigisumi sananeqarsinnaapput. Tamanna naatsorsorneqassaaq illuaqqap nuuata avasinnerpaavaniit.
Innikkoortuni L-ini illuaqqanut imaluunniit illunut najugarisassanut toqqavinni pioreersuni illuaraliortoqassappat, illuliat eqqaaniittut qanorluunniit ungasissuseqaraluarpata kiisalu toqqaviup angissusaa tamakkiisuugaluarpat illuaraq sanaartorneqarsinnaavoq, aamma taanna 50m2-ip angissusaa qaangerneqaraluarpat.2. Immikkoortuni L-ini toqqavinni pioreersuni 50m2-imit mikinerusuni alliliinerni angissutsinut killiliussat nalinginnaasut aamma toqqaviup allilerneqarneranut eqqaani sanaartukkanut ungasissutsimut piumasaqaatit atuupput.
Sanaartukkat suulluunniit kuunnit tatsiniillu qaninnerpaamik 100 meterinit ungasissuseqassapput. Aammattaaq illuliat pinngortitami aqqutaasareersunut 15m-imiit qaninnerutinneqassanngillat.
Sanaartukkat suulluunniit qanganitsanit eriagisanit qaninnerpaamik 60 meterinik ungasissuseqassapput. Qanganitsat eriagisat tassaasinnaapput noorliit illukui, illukoqarfiit assigisaallu.
Angallanneq
Immikkoortuni L-ini pilersinneqarsinnaapput aqqusineeqqat, assakaasullit ingerlaffii, aqqusernit kiisalu talittarfiit ikaartarfiit sanaartukkanut sukisaarsaartarfinnullu siunertanut ataneqartillugit.
Immikkoortuni L2-ini aqquserngit, assakaasullit ingerlaarfii, aqqusineeqqat talittarfiillu pioreersut asserfallatsaalineqarlutillu allilerneqarsinnaapput.
Pilersuineq
Innaallagissamut, imermut kuuffissuillu immikkoortumut ataasiakkaanut pilersuisussanik teknikkikkut atortulersuutit pilersinneqarsinnaapput.
Imeqarfiliorneq erngullu maangaannartup aqqutissaanik kiisalu nukissiuteqarnermik pilersuiffimmik annerusumik pilersitsiniaraanni Naalakkersuisunit akuersissummik peqqaarluni pilersitsisoqarsinnaavoq.
Taakku saniatigut teknikkikkut pilersuutit sananeqarsinnaapput, assersuutigalugu generatorit seqernullu kissaanik innaallagissiuutit nukissiuutillu allat illuaqqanut ataasiakkaanut atorneqartussatut atatinneqartut. Sanaartukkat atorneqarnerminni nipimik, putsumik, tipimik, sajuppilattarnernik, allatulluunniit
Nunaminertat sanaartorfigineqanngitsut
Nunaminertat sanaartorfiunngitsut siunertanut allanut atugassanngortitaanngitsut nunap ilusaa allanngortinneqassanngilaq saligaatsuutinneqassallunilu.
Sanaartornerup nalaani, nunaminertat sanaartorfiunngitsut sapinngisamik mianerineqassapput. Nunaminertat atunngitsut sanaartortoqarnerani, tassunga ilanngullugu qaartiterisoqarnerani innarlerneqarpata qanoq issusiatut ileqqillugu suliarineqassaaq.