Sumiiffiit illuaqqanut aasarsiortarfinnullu atugassatut immikkoortitaasut ilisarnaatigaat taakkununngaannaq atugassiaagamik aammalu ukioq kaajallallugu najugaqarfissanut atugassiaannginnamik. Immikkoortut ilaanni taakkunani killilimmik takornarianut illuaraliortoqarsinnaavoq kiisalu piniartunut illuaqqanik aamma sapernuffissanillu sanasoqarsinnaavoq, taakkuli immikkoortup illuaqqanut, aasarsiortarfinnut assigisaannullu atugassiaaneranik allanngortitsissanngillat.
Illuaraqarfiit aasarsiortarfiillu ilisarnaatigaat, illuaqqat ataasiakkaat avinngarusimarrammata, aammalu "illoqarfittut" sumilluunniit pilersitsiffiussanatik. Taamaammat illuaqqat eqqaanni nunaminertat atorneqarnerini suliat suulluunniit illuaqqanut ataasiakkaanut taamaallaat atasuusassapput. Illoqarfittut pilersitsineq ima paasillugu, niuernikkut kiffartuussiviit soorlu pisiniarfik, neriniartarfik assigisaallu sanaartoqqusaanngillat.
Sanaartukkat
Immikkoortuni K-ni sanaartukkat uku sananeqarsinnaapput:
- Sunngiffimmi illuaqqat / aasarsiortarfiillu
- Takornarianut illuaqqat
- Piniartunut annanniarfissatullu illuaqqat
Sunngiffimmi illuaqqat aasarsiortarfiillu inuit nammineq atugassaattut paasineqassapput.
Takornarianut illuaqqanut tunngatillugu illuaqqat inuussutissarsiutitut atorneqarsinnaasut imaluunniit attartortinneqarsinnaasutut paasineqassapput. Attartortitsisarneq takornarianuusinnaallunilu innuttaasunuusinnaavoq. Takornarianut illuaqqanut qinnuteqartoq CVR-nr.-qaqqaassaaq. Takornarianut illuaqqat illuaqqallu attartortakkat illup iigaani ersarissumik B-normoqassapput.
Piniartunut sapernusunullu illuaqqat tassaapput tamanit atorneqarsinnaasut. Piniartut sapernusullu illuaraat parnaarneqassanngillat inuillu ataasiakkaat pigissanngilaat. Illuaqqat tamakku amerlanertigut kommunimit kattuffinnilluunniit pilersinneqarsimasarput. Piniartunut sapernusunullu illuaqqat A-nr-nik silataanni allagartaqassapput.
Illuaqqanut nunaminertamik tunniussisoqareerpat tassunga atasunik makkuninnga sanaartortoqarsinnaavoq: aneerasaartarfik erfalasulerfik, manisivik, pujoorivik, sauna/ silaannarmi uffarfik, naatsiivimmik atuineq, anorisaatit seqinermillu nukissiutit minnerit. Atortuusivik, ilaliussaq immikkoortoq imaluunniit qui annerpaamik 12,5 m2 illuaqqamut atasumik suliarineqarsinnaapput, immikkut taakku isertarfeqarpata. Atortulersuutit tamakkua illuaqqamiit 15 meterinik ungasissusilimmi inissinneqassapput. Tamanna naatsorsorneqassaaq illuaqqap nuuata avasinnerpaavaniit. Sanaartukkat minnerit taakku atorneqarnerminni nipimik, putsumik, tipimik, sajuppilattarnernik, allatulluunniit eqqaamiunut pisariaqanngitsumik akornutaanngippata taamaallaat sanaartorneqarsinnaapput.
Sanaartukkanut assigiinngitsunut makku atuupput, 1,5 etage tassaatinneqarluni ataatsimik etagealik qalia atorneqarluni:
|
Illut qanoq ittuuneri |
Isertarfiit |
Angissuseq |
Portussuseq |
|
Illu aasarsiortarfik / Sunngiffimmi illuaraq |
Inuttut nammineq |
Annerpaamik 50m2 |
Quleriit 1,5 |
|
Takornarianut illuaraq |
Inuussutissarsiortunut attartortinneqarsinnaavoq |
Annerpaamik 50m2 |
Quleriit 1,5 |
|
Illuaraq annaffissaq-/piniarianut illuaraq |
Tamanit atorneqarsinnaasoq |
Annerpaamik 12,5m2 |
Ini quleriik ataaseq |
|
Sakkuusivik / ilaliussaq immikkoortoq / qui |
Inuttut nammineq |
Annerpaamik 12,5m2 |
Ini quleriik ataaseq |
Illuinnaatigut illup qalia sivingasuutillugu sanaartornermi, sanaartugaq marlunnik qulereeqaqqusaanngilaq, taamaattumik illup qalia atorneqartoq ilanngullugu portussusaa tamakkiisooqqusaanngilaq.
Illuaqqat toqqavii, sukap pukkinnerpaap nalaani nunamit uuttorlugu annerpaamik meterimik portussuseqassapput.
Sanaartukkat atortuusiviillu tamarmik avatangiisinut pisariaqanngitsumik avaanngunarsaasutut isikkoqartikkumanagit aserfallatsaaliorneqartassapput.
Illuaqqanut tamanut tunngatillugu, nunaminertamik atuinissamut agguaassisarnermut malittarisassat sanaartornermilu inatsit atuuttoq ilaapput.
Ungasissutsimut piumasaqaatit
Illuaqqat illuaqqanit pioreersunit, toqqavinnit nunaminertaniillu illuaraliorfissanit 80 meterisut ungasitsigisumi inissinneqassapput. Tamanna naatsorsorneqassaaq illuaqqap nuuata avasinnerpaavaniit.
Illuaqqanut tamanut tunngatillugu, nunaminertamik atuinissamut agguaassisarnermut malittarisassat sanaartornermilu inatsit atuuttoq ilaapput.
Sanaartukkat suulluunniit kuunnit tatsiniillu qaninnerpaamik 100 meterinit ungasissuseqassapput. Aammattaaq illuliat pinngortitami aqqutaasareersunut 15m-imiit qaninnerutinneqassanngillat.
Sanaartukkat suulluunniit qanganitsanit eriagisanit qaninnerpaamik 60 meterinik ungasissuseqassapput. Qanganitsat eriagisat tassaasinnaapput noorliit illukui, illukoqarfiit assigisaallu.
Angallanneq
Sunngiffimmi illuaraqarfimmi aasaaneranilu illuaraqarfimmi aqquserniortoqassanngilaq, angallatinut aqquteqarani, aqqusineeraqarani imaluunniit tulattarfinnut ikaartarfeqarani
Pilersuineq
Teknikkikkut pilersuinermut atortulersuutit taamaallaat pilersinneqarsinnaapput
illuaqqamut ataatsimut ataneqartillugit immikkoortut mikisuuppata. Assersuutigalugu sarfaliutinik, seqinermut tigooraassutinik nukissiornermilu atortunik allanik sanasoqarsinnaavoq. Sanaartukkat atorneqarnerminni nipimik, putsumik, tipimik, sajuppilattarnernik, allatulluunniit eqqaamiunut pisariaqanngitsumik akornutaappata sanaartorneqarsinnaanngillat.
Nunaminertat sanaartorfigineqanngitsut
Nunaminertat sanaartorfiunngitsut siunertanut allanut atugassanngortitaanngitsut nunap ilusaa allanngortinneqassanngilaq saligaatsuutinneqassallunilu.
Sanaartornerup nalaani, nunaminertat sanaartorfiunngitsut sapinngisamik mianerineqassapput. Nunaminertat atunngitsut sanaartortoqarnerani, tassunga ilanngullugu qaartiterisoqarnerani innarlerneqarpata qanoq issusiatut ileqqillugu suliarineqassaaq.