B: Inuussutissarsiuteqarfiit aamma umiarsualiveqarfiit.
Inuussutissarsiorfiit umiarsualiviillu avatangiisinut klassini 2-7-mi nunaminertanik atuinissamut ilaatinneqarput. Inuussutissarsiorfiit umiarsualiviillu inuussutissarsiortut soqutigisaannik isiginninniassapput, taamaammat avatangiisinut malussajasunik soorlu inissianik, nunaminertanik sukisaarsaartarfinnik aamma paaqqinnittarfinnik atuarfinnillu inissiisoqarsinnaanani. Sumiiffiilli ilaanni suliffeqarfimmut atasunik ulluinnarni atungassanik niuertarfinnik assigisaannillu pilersitsisoqarsinnaavoq. Immikkoortunulli ataasiakkaanut avatangiisinut klassinik aalajangersaasoqarsinnaavoq.
Inuussutissarsiorfiit umiarsualiviillu immikkoortunut ukununnga aamma immikkoortissinnaapput:
B1: Inuussutissarsiuteqarfiit
Immikkoortut inuussutissarsiutinut atungassiani immikkoortumi inuussutissarsiornermut siunertat aalajangersarneqartut malinneqassapput, matumani suliffissuit, lagerit, quersuit, inuussutissarsiutinik suliffeqarfiit, amerlasuunik pisiniarfiit, nioqqutissiorfiit, assartuinermik suliallit, sannaviit, ilioraaffiit, assartuutit inuussutissarsiutilluunniit taakkununnga assingusut.
Inuussutissarsiortunut pingaarnernut tassaniittunut allaffeqarfinnik allaffissornermilluunniit suliaqartut tassaniissinnaapput.
B2: Umiarsualiveqarfiit
Umiarsualivinnut aamma umiarsualiveqarnermut inuussutissarsiuteqartunut sumiiffinnut atungassiani immikkoortumi umiarsualiveqarnermut siunertanut atorneqartussani siunertat aalajangersarneqarsimasut malinneqassapput, matumanilu tankeqarfiit, aalisakkeriviit, talittarfiit kiisalu amutsiviit, terminalit, inissiisarfiit, quersuit assigisaallu umiarsualiveqarnermik ingerlatsinermut atasut aamma / imaluunniit umiarsualiviup ineriartortinneqarneranut atasut. Umiarsualivimmi pilersuisussamik ulluunerani nioqqutissanik pisiniarfiliornissamut akuersissuteqartoqarsinnaavoq. Umiarsualivimmik ingerlatsinermut pisariaqartinneqartunik allaffissornermik allaffinnillu sanaartortoqarnissaa akuersissutigineqarsinnaavoq.
Suliffeqarfik mingunnartulerisarfik
Immikkoortuni B-ni suliffeqarfiit sumiiffinnut tunngatillugu immikkut piumasaqaateqarfigineqartut pilersinneqarsinnaapput, tassunga ilaallutik suliffeqarfiit mingunnartuleriffiusut. Avatangiisinik mingutsitsisinnaanernik pinngitsoortitsiniarluni tamatigut iliuusissanik aalajangiisoqartassaaq, tassunga ilanngullugit imikoorummik kuutsitsisarneq, uuliakunik akuutissanit saviminernillu eqqagassanik inissiisarneq.
Inissiiviit
Immikkoortuni B-ni inissiivinnik assigisaannillu containerinik atortunillu kiisalu atortussianik inissaqartitsiniarnermi pilersitsisoqarsinnaavoq, taamaattorli sumiiffik immiivittut, eqqaaveqarfittut assigisaanilluunniit atoqqusaanngilaq. Inissiivik immikkut nunaminertamik atuinissamik akuersissummik piumasaqaateqarpoq.
Inuussutissarsiorfinni umiarsualivinnilu nunaminertat sanaartorfigineqanngitsut
Nunaminertat sanaartorfiunngitsut siunertanut allanut atugassanngortitaanngitsut nunap ilusaa allanngortinneqassanngilaq saligaatsuutinneqassallunilu.
Nunaminertat atunngitsut sanaartortoqarnerani, tassunga ilanngullugu qaartiterisoqarnerani innarlerneqarpata qanoq issusiatut ileqqillugu suliarineqassaaq.
Nunaminertamik atuineq avatangiisinut navianartutut imalluunniit akornusersuutaasutut nalilerneqarpat ungaluliisoqarnissaanik kommunalbestyrelse piumasaqaateqarsinnaavoq.
Qinnuteqarnerup kinguneranik nalunaartoqarsinnaavoq, inuussutissarsiornermik suliffeqarfinnut atasumik nunaminertat sanaartorfiunngitsut 1,8 meterisut portutigisumik ungaluneqarsinnaasut. Ungalut qisunnik imaluunniit saviminernik qassutaasanik suliarineqarsimassapput.
Nakkutilliisup illua
Nakkutilliisup illuanik sanasoqarsinnaanngilaq, aatsaat nunaminertami inuussutissarsiuteqarfimmi pineqartumi erseqqissumik nassuiaatitaqarpat.
Linki: Aalajangersakkat nalinginnaasut - Nakkutilliisup illua