Immikkoortuni D2-ni aamma immikkoortuni sukisaarsarfittut atugassanngortitani qimmilivittut atugassanngortinneqarnissaat akuersissutigineqarsinnaapput, matumanili immikkoortumi sulinerit qimmeqarnikkut akornusersorneqannginnissaat tunngavilersuutaassaaq.
Nunaminertat sanaartorfigineqanngitsut qimmilivittut atorneqarsinnaanngillat immikkoortup ilaanut pineqartumut aalajangersakkani allassimasoqanngippat. Immikkoortup ilaa kommunimi pilersaarummi siunissami allamut atorneqartussaq qimmilivittut atorneqarsinnaavoq sanaartornerup aallartinneqarnissaa tikillugu. Matumani immikkoortumi sulinerit qimmeqarnikkut akornusersorneqannginnissaat tunngavilersuutaassaaq.
Qimmeqarnermut nunaminertamik atuineq piffissamik killilikkamik atuutsinneqarsinnaavoq.
Qimmeqarnermut qitsuuteqarnermullu ileqqoreqqusat qaqugukkulluunniit atuuttut atuutsinneqarput, matumunngalu ilassutaallutillu nunaminertanik akuersissutinut aalajangersakkamut atuuttumut ilassutaapput.