Kommuneqarfik Sermersuumit kissaatigineqarpoq Nuummi inissialiortoqassasoq inuunermut pitsaasumut toqqissisimanartumullu sinaakkusiisumik (takuuk Illussanik titartaasarneq pillugu politikki).
Inissiaq tamarmi aamma tassani init ataasiakkaat naapertuuttumik angissuseqassapput iluseqarlutillu, atuuffissaat eqqarsaatigalugu naapertuuttoq.
Inissiat nutaat eqqarsaatigalugit qulakkeerneqassaaq, inissiat naammattumik angissusillit aammalu naleqquttumik aaqqissuunneqarsimasut naammassineqarnissaat. Aamma taamaappoq atuuffissaannik allannguisoqarnerani, assersuutigalugu inuussutissarsiuteqarfimmiit inissianngortitsinermi.
Inissiat uiguleriit quleriillu nutaat aallaaviatigut minnerpaamik quleriinnut nunaminertami suliarineqassaaq nettoarealitut aalajangersagaalluni:
- Ataatsimik sinittarfilik minnerpaamik 45 m²
- Marlunnik sinittarfilik minnerpaamik 65 m²
- Pingasunik sinittarfilik minnerpaamik 85 m²
- Sisamanik sinittarfilik minnerpaamik 105 m²
Ilinniartunut naleqquttunik inissialiornermi (kollegiat, ilinniartunut inissiat, inuusuttunut inissiat) kommunalbestyrelsip erseqqinnerusumik akuersissuteqareerneratigut inissiat minnerpaaffissaat sanioqqunneqarsinnaavoq, taamaattorli ataatsimoorfissat angissusissaat aalajangersaaffigineqarsinnaallutik, taakkununnga ilanngullugit ataatsimoorullugit igaffiit, errorsisarfiit, qaliani panersiisaarfiit il.li. Kommunalbestyrelsip nalilerpaa, inissiat inuusuttunut naleqquttut minnerpaamik 20 m2-nik angissuseqassasut, ataatsimoorfiusartussat assigiinngitsut ilanngullugit.